ANA SƏHİFƏ

AKTUAL

ELANLAR

ARXİV

SUAL-CAVAB

VAKANSİYA

LİNKLƏR

ƏLAQƏ

SON XƏBƏRLƏR

[

]

NAZİRLİYİN QƏBUL GÜNLƏRİ

''İndiki zamanda rabitə hər bir insan üçün lazım olan bir vasitədir''

Heydər Əliyev, Azərbaycan xalqının ümummilli lideri

SAYĞAC

XƏBƏRLƏR

11.02.2015

“Evədək optika” layihəsinin icrası uğurla davam etdirilir

Naxçıvan Muxtar Respublikasında sabit telefon şəbəkəsinin yeni nəsil telekommunikasiya sisteminə keçirilməsi tədbirləri uğurla həyata keçirilir. Optik şəbəkənin genişləndirilməsi evlərə optik kabelin çəkilməsinə imkan verir.

Naxçıvan Muxtar Respublikası Rabitə və Yeni Texnologiyalar Nazirliyindən verilən məlumata görə, muxtar respublikada istismar olunan avtomat telefon stansiyalarının 94 faizi optik arabağlantılarla təmin olunub. Bu tədbirlərin həyata keçirilməsində “Evədək optika” layihəsinin icrası xüsusi əhəmiyyət kəsb edir.

Layihə GPON (Gigabit Passive Optical Network) avadanlığı vasitəsilə reallaşdırılır. GPON avadanlıqlarının abunəçi şəbəkəsinə tətbiqi bir optik lif vasitəsilə telefon, yüksəksürətli internet, videotelefon və IP televiziya adlanan rəqəmsal televiziya xidmətinin yüksək keyfiyyətlə istifadəçiyə çatdırılmasını təmin edir. Avadanlığın tətbiqi mövcud şəbəkə infrastrukturunun veriliş məsafəsini, buraxılış qabiliyyətini əhəmiyyətli dərəcədə artıracaq. Nəticə etibarilə, optik lifli kabeli birbaşa abunəçinin evinə çəkmək və beləliklə, ona mis məftilin imkanlarından 100 dəfə yüksək olan 2,5 Gbit/s-lik buraxma zolağı təqdim etmək mümkündür. GPON avadanlığı ilə bir binaya gələn tək bir optik xətt splitterlər (ayırıcılar) vasitəsilə 256 abonentə xidmət göstərir. Bundan əlavə, bu avadanlıqlar abonentlərə bir xətlə iki telefon nömrəsini işlətmək imkanı verir. Eyni zamanda bu üsuldan istifadə olunması yüksəksürətli internetin əhatə dairəsini genişləndirməyə və şəbəkənin qurulmasını tezləşdirməyə şərait yaradır.
Məlumatda o da bildirilir ki, bu sistem yuxarıda qeyd olunanlardan əlavə, həm də evdən iş yerinin idarə edilməsi, iş yerinə vizual nəzarət, elektron nəzarət, elektron təhsil almaq, elektron ticarət, bütün bank ödənişlərini və köçürmələrini həyata keçirmək kimi məhdudiyyətsiz imkanlara malikdir. “Evədək optika” layihəsi çərçivəsində indiyədək Naxçıvan şəhərində 70 fərdi mənzilə və 6 çoxmənzilli yaşayış binasına fiber-optik kabel xətləri çəkilib.
Qeyd edək ki, dünyanın bir sıra inkişaf etmiş ölkələrində tətbiq olunan və özünü doğruldan bu layihənin icrasına muxtar respublikada 2012-ci ilin avqust ayından başlanılıb.

 

Mənbə: Naxçıvan MR RYTN - Mətbuat Xidməti

 

ELEKTRON POÇT XİDMƏTİ

İstifadəçi adı:
Şifrə:

ADSL abunəçilərinin balansının onlayn artırılması

TELEFON BORCUNU ÖDƏMƏK

 

 

 

© Copyright 2006-2014 Naxçıvan MR RYTN

Dizayn tərtibatı və proqramlaşdırma: Naxçıvan MR RYTN - Nakhİnternet.AZ