ANA SƏHİFƏ

AKTUAL

ELANLAR

ARXİV

SUAL-CAVAB

VAKANSİYA

LİNKLƏR

ƏLAQƏ

SON XƏBƏRLƏR

[

]

NAZİRLİYİN QƏBUL GÜNLƏRİ

''İndiki zamanda rabitə hər bir insan üçün lazım olan bir vasitədir''

Heydər Əliyev, Azərbaycan xalqının ümummilli lideri

SAYĞAC

XƏBƏRLƏR

12.04.2013

 

Məhdud fiziki imkanlı insanlar üçün “258” nömrəli telefon xidməti və elektron kitabxana yaradılıb

Fiziki imkanları məhdud insanların cəmiyyətə inteqrasiyası, onların informasiya texnologiyalarının imkanlarından istifadəsinə dövlət tərəfindən hər cür şərait yaradılır. Bu mənadə ölkəmizdə məhdud fiziki imkanlı insanlar üçün Regional İnformasiya Mərkəzlərinin yaradılması buna əyani misaldır. Bu tədbirlərin davamı olaraq Naxçıvan Muxtar Respublikası Rabitə və İnformasiya Texnologiyaları Nazirliyi tərəfindən məhdud fiziki imkanlı insanlar üçün Naxçıvan Regional İnformasiya Mərkəzində iki yeni xidmət istifadəyə verilib. Bunun üçün Mərkəzdə server avadanlığı,  çağrı mərkəzi, operator işçi yeri qurulub və müvafiq proqram təminatları hazırlanıb. Yeni xidmətlərdən biri görmə qabiliyyəti məhdud olanlar üçün audio kitabxana, digəri isə eşitmə məhdudiyyəti olanlar üçün elektron kitabxanadır. Qeyd etmək lazımdır ki, məhdud fiziki imkanlılar üçün Azərbaycan Respublikasında ilk dəfə Naxçıvan Muxtar Respublikasında bu cür xidmətlər təşkil edilib. Muxtar respublikada yaşayan görmə qabiliyyəti məhdud insanlar 258 nömrəli telefona zəng etməklə Naxçıvan Regional İnformasiya Mərkəzinin kitabxanasında olan audiokitabları dinləyə biləcəklər. 258 nömrəli telefon 24 saat xidmət göstərəcək. İş günləri saat 09:00-dan 18:00-a kimi Mərkəzin operatoru tərəfindən, digər vaxtlarda isə sistem avtomatik xidmət göstərəcək.  Zəng etmiş istifadəçiyə audiokitablar haqqında anons verilir və telefonun düymələri vasitəsilə istəyə uyğun audiokitab seçilərək dinlənilir. Audiokitab bölmələrinə Azərbaycan poeziyası, Azərbaycan şifahi xalq ədəbiyyatı, müasir Azərbaycan ədəbiyyatı, klassik Azərbaycan ədəbiyyatı, dünya ədəbiyyatı, dini ədəbiyyat, elmi-kütləvi əsərlər daxildir.

Bu xidmətdən yalnız Mərkəzdə qeydiyyatda olan görmə qabiliyyəti məhdud insanlar istifadə edə biləcəklər. Digər nömrələrdən zəng edilməsi məhdudlaşdırılıb. Xidmətdən eyni anda 30 nəfər istifadə edə biləcək.

Hazırda Mərkəzin serverində 108 auido kitab, 246 elektron kitab vardır. Mərkəzdə fəaliyyət göstərən səs yazma studiyasında işə cəlb edilmiş, fiziki məhdud imkanlı şəxslərin fərdi qabiliyyətlərindən istifadə olunaraq yeni audio materiallar hazırlanıb serverdə yerləşdirilir. Elektron kitabxana isə M.S.Ordubadi adına Respublika Kitabxanasının və Naxçıvanşünaslıq Mərkəzinin elektron kitab fondu hesabına zənginləşdirilir.

 

Mənbə: Naxçıvan MR RİTN - Mətbuat Xidməti

 

 

ELEKTRON POÇT XİDMƏTİ

İstifadəçi adı:
Şifrə:

ADSL abunəçilərinin balansının onlayn artırılması

TELEFON BORCUNU ÖDƏMƏK

 

 

 

© Copyright 2006-2014 Naxçıvan MR RYTN

Dizayn tərtibatı və proqramlaşdırma: Naxçıvan MR RYTN - Nakhİnternet.AZ