Muxtar respublikada poçt sistemi müasir tələblər səviyyəsində qurulub

   1969-cu ildə Yaponiyada keçirilmiş Ümumdünya Poçt İttifaqının Konqresində qəbul edilmiş qərarla hər il oktyabrın 9-u Ümumdünya Poçt Günü kimi qeyd olunur.
Ölkəmizdə rabitə və informasiya texnologiyalarının inkişafı ümummilli liderimiz Heydər Əliyevin ölkə­mizə birinci rəhbərliyi dövrünə təsadüf edir. Həmin illərdə ölkəmizin rabitə sistemində əsaslı dəyişikliklər baş vermiş, o dövrün tələblərinə uyğun poçt və rabitə sistemi qurulmuşdur. Azərbaycan müstəqillik qazandıqdan sonra isə ulu öndərin rəhbərliyi ilə poçt sistemi yeni inkişaf mərhələsinə qədəm qoymuşdur.
Muxtar respublikada son illər rabitə sahəsində gedən sürətli inkişaf, fiber-optik xətlərin çəkilməsi, yüksək­sürətli kompüter şəbəkələrinin yaradılması poçt sahəsində xidmətlərin müasir tələblərə uyğun qurulmasına şərait yaratmışdır. Ötən dövrdə həyata keçirilən ardıcıl tədbirlər nəticəsində poçt müəssisələri bütün növ xidmətlərin təşkili üçün müasir texnologiyalarla təmin edilmiş, xidmətin səviyyəsi yüksəldilmişdir. Naxçıvan Muxtar Respublikası Ali Məclisi Sədrinin “Naxçıvanpoçt Məhdud Məsuliyyətli Cəmiyyətinin yaradılması haqqında” 2013-cü il 30 iyul tarixli Sərəncamı isə bu sahədə görüləcək işlərin miqyasını daha da genişləndirmişdir. Hazırda muxtar respublika ərazisində 1 mərkəzi poçt şöbəsi, 7 rayon poçt filialı və 177 poçt bölməsi fəaliyyət göstərir. Poçt məntəqələrində nağdsız ödənişlərin təşkili üçün 172 ədəd POS-terminal qoyulub. Həmçinin Naxçıvan Muxtar Respublikası Rabitə və Yeni Texnologiyalar Nazirliyinin tərkibində yaradılan yeni “NAXTEL” 4G mobil operatoru ilə müqavilə bağlanılıb, nömrələrin və danışıq kartlarının satışının poçt şöbə və bölmələri tərəfindən həyata ­keçirilməsi təşkil olunub.

Ətraflı: Muxtar respublikada poçt sistemi müasir tələblər səviyyəsində qurulub

İbadulla Radio-Televiziya Verici Stansiyası yeni binada fəaliyyətə başlayıb

Sentyabrın 15-də İbadulla Radio-Televiziya Verici Stansiyasının yeni binası istifadəyə verilmişdir. 
Naxçıvan Muxtar Respublikası Ali ­Məclisinin Sədri Vasif Talıbov açılışı bildirən lenti kəsmiş, binada yaradılan şəraitlə ­maraqlanmışdır. 
Məlumat verilmişdir ki, iki mərtəbədən ibarət binada əsas və ehtiyat magistral kabel xətlərinin və ərazi üzrə 16 avtomat telefon stansiyasının fiber-optik sonlandırma avadanlıqları, paylayıcı və çevirici qurğular, Türkiyə-Naxçıvan arası aralıq gücləndirici və radio-rele linklərin modemləri quraşdırılıb. Yeni avadanlıqlar yüksək iş əmsalına malikdir. Bu da televiziya və radio kanallarının ərazidə rəqəmsal formatda kəsintisiz və keyfiyyətli yayımına imkan verəcəkdir. 
Efirə nəzarət otağında 2 monitor, 2 rəqəmsal teleradio və 4 FM Radio vericisi qurulmuşdur. Yaradılan şərait teleradio yayımını mütəmadi izləməyə imkan verir. Eyni zamanda yaranmış hər hansı nasazlıq barədə operator dərhal məlumatlandırılır. 

Ətraflı: İbadulla Radio-Televiziya Verici Stansiyası yeni binada fəaliyyətə başlayıb

Rabitə və Yeni Texnologiyalar Nazirliyində müşavirə keçirilib

   Avqustun 4-də Naxçıvan Muxtar Respublikası Ali Məclisində  2018-2019-cu illərin payız-qış mövsümünə hazırlıq və qarşıda duran vəzifələrlə əlaqədar keçirilən müşavirədə Rabitə və Yeni Texnologiyalar Nazirliyinə də müvafiq tapşırıqlar verilib.

Naxçıvan Muxtar Respublikasının Rabitə və Yeni Texnologiyalar Nazirliyində keçirilən müşavirədə görülən işlər və  qarşıda duran vəzifələrdən ətraflı bəhs olunub. Naxçıvan Muxtar Respublikasının Rabitə və Yeni Texnologiyalar naziri Rövşən Məmmədov çıxış edərək bildirib ki, hazırda əsas diqqət qış aylarında poçt və rabitə xidmətlərinin fasiləsiz göstərilməsi üçün mal-material ehtiyatlarının yaradılmasına və mövsümə hərtərəfli hazırlıq işlərinə  yönəldilib.

Ətraflı: Rabitə və Yeni Texnologiyalar Nazirliyində müşavirə keçirilib