Yeni texnologiyaların tətbiqinə diqqət artırılır

Muxtar respublikada yeni texnologiyaların tətbiqi və əhaliyə keyfiyyətli rabitə  və internet xidmətlərinin göstərilməsi bu gün qarşıda duran əsas vəzifələrdəndir.
Naxçıvan Muxtar Respublikasının Rabitə və Yeni Texnologiyalar Nazirliyi tərəfindən 2020-cil in yanvar ayında qeyd olunan vəzifələrin icrası diqqətdə saxlanmış,  Dəstə Radio-Televiziya Verici Stansiyasının yeni binasının açılışı olmuşdur. Bundan əlavə, Ordubad rayonunun Vənənd kənd mərkəzinin açılışı olmuş, kənd mərkəzində yeni Rabitə Evi istifadəyə verilmişdir. Rabitə evində quraşdırılan yeni nəsil 568 nömrəlik Avtomat Telefon Stansiyası Vənənd kəndində 391 abonentə və 228 internet istifadəçisinə xidmət edir. Mövcud avtomat telefon stansiyaların nömrə tutumlarının artırılması nəticəsində hesabat ayında muxtar respublikada 228 yeni telefon nömrəsi istismara verilib.

Ətraflı: Yeni texnologiyaların tətbiqinə diqqət artırılır

Ötən ilin yekunları müzakirə olunub, qarşıda duran vəzifələr müəyyənləşdirilib

Naxçıvan Muxtar Respublikası Rabitə və Yeni Texnologiyalar Nazirliyində keçirilən kollegiya iclasını nazir Rövşən Məmmədov açıb. Bildirib ki, muxtar respublikada yeni texnologiyaların tətbiqi və əhaliyə keyfiyyətli, rabitə, internet və teleradio xidmətlərinin göstərilməsi 2019-cu ildə də davam etdirilib. Belə ki, il ərzində plan tapşırıqlara 100.9 faiz əməl olunub, tarif gəliri əlavə dəyər vergisiz 9 milyon 617 min 672 manat təşkil edib.

Ətraflı: Ötən ilin yekunları müzakirə olunub, qarşıda duran vəzifələr müəyyənləşdirilib

"Yeni il virusu"

Son günlərdə "WhatsApp" messencerində "Yeni il virusu" aşkarlanıb. Bu virusun yayılma üsulu çox sadədir. Belə ki, yeni il bayramı ilə bağlı gələn mesajlarda virusa yoluxmuş veb saytların linki göndərilir. Hakerlər bu yolla istifadəçinin smartfon və ya kompüterindəki fərdi məlumatlara daxil olurlar.
Bununla yanaşı, reklamlar, şəxsi məlumat sorğuları və bəzi xidmətlər üçün üzvlük təklifləri də daim istifadəçinin qarşısına çıxır. "Yeni il virusu" çox sadə bir hiylə olsa da, bu tora düşənlər az deyil. "WhatsApp" ən məşhur mesajlaşma tətbiqidir və bu virusların proqram vasitəsi ilə yayılması çox asandır. Naxçıvan Muxtar Respublikasının Rabitə və Yeni Texnologiyalar Nazirliyinin Elektron Təhlükəsizlik Mərkəzi internet istifadəçilərinə diqqətli olmağı və tanımadığınız şəxslərdən "təbrik mesajları" adı ilə gələn bütün mesajları bloklamağı tövsiyə edir. “Yeni il virusu” dostdan gəlibsə, onu bu barədə məlumatlandırmaq məsləhət görülür.


Naxçıvan Muxtar Respublikasının
Rabitə və Yeni Texnologiyalar Nazirliyinin
Elektron Təhlükəsizlik Mərkəzi