Naxçıvan Universitetində “Huawei” şirkətinin mütəxəssisi tərəfindən seminar-treninq keçirilmişdir

      Naxçıvan Muxtar Respublikası Ali Məclisi ­Sədrinin 2019-cu il 3 aprel tarixli  “Ali və orta ixtisas təhsili müəssisələrində ixtisasların müvafiq təşkilatlara hamiliyə verilməsinə dair əlavə tədbirlər və innovasiyaların dəstəklənməsi haqqında” Sərəncamının icrası ilə bağlı Naxçıvan Universitetində növbəti seminar-treninq keçirilib. “Huawei” şirkətinin peşəkar mütəxəssisləri tərəfindən Naxçıvan Universitetində yaradılan İKT mərkəzində “Telekommunikasiya Sahəsinə dair Təlim“ mövzusunda  keçirilən seminarda Rabitə və Yeni Texnologiyalar Nazirliyinin  əməkdaşları, Naxçıvan  Dövlət Universitetinin,  Naxçıvan Universitetnin və Naxçıvan Texniki Kollecinin bir qrup müəllim və tələbələri iştirak ediblər.

     "Huawei” şirkətinin əməkdaşı Ülvi Əkbərov  mobil rabitə sisteminin yaranması və 2G, 3G və 4G  LTE   texnologiyalarının strukturu və iş prinsipi haqqında  iştirakçılara geniş mühazirə oxuyub.

    Sonda tələbələrin  ­sualları ətraflı şəkildə cavablandırıldı.

Naxçıvan Muxtar Respublikası Rabitə və
Yeni Texnologiyalar Nazirliyinin mətbuat xidməti

Rüb ərzində 1620 abunəçi internetlə təmin olunub

Muxtar respublikada yeni texnologiyaların tətbiqi və əhaliyə keyfiyyətli poçt, rabitə, internet və teleradio xidmətlərinin göstərilməsi 2019-ci ilin I rübündə də uğurla davam etdirilmişdir.
Ordubad rayonunun Dəstə kənd mərkəzinin açılışı olmuş, kənd mərkəzində yeni Rabitə Evi istifadəyə verilmişdir. Rabitə evində quraşdırılan yeni nəsil 704 nömrəlik Avtomat Telefon Stansiyası Dəstə kəndində 518 abonentə və 370 internet istifadəçisinə xidmət edir.  Həmçinin Şərur  rayonunun Kərimbəyli kənd mərkəzinin açılışı olmuş, kənd mərkəzində yeni Rabitə Evi istifadəyə verilmişdir. Rabitə evində quraşdırılan yeni nəsil 384  nömrəlik Avtomat Telefon Stansiyası Kərimbəyli kəndində 241 abonentə və 106 internet istifadəçisinə xidmət edir.  
Ordubad rayonunun Dəstə və Şərur  rayonunun Kərimbəyli kəndlərində poçt bölməsi yeni binaya köçürülmüş, bütün işçi kompüterlər “Naxçıvanpoçt”un şəbəkəsinə qoşulmuş və digər lazımi avadanlıqlarla təmin olunmuşdur. Nömrə tutumlarının artırılması nəticəsində rüb ərzində  510 yeni telefon nömrəsi istismara verilmişdir.

Ətraflı: Rüb ərzində 1620 abunəçi internetlə təmin olunub

“Mavi Balina” oyununun yaratdığı təhlükələr

İnformasiya təhlükəsizliyinin təmin olunması probleminin vacibliyini və aktuallığını şərtləndirən səbəblərdən ən əsası istənilən tipli məlumatın praktik olaraq maneəsiz yayılmasına şərait yaradan qlobal internet mühitinin inkişafıdır. Muxtar respublikamızda internet istifadəcilərinin sayı surətlə artır, üstəlik də ümumdünya hörümçək torundan istifadə edən gənclərin və yeniyetmələrin sayı olduqca çoxdur. Bir çoxları, xüsusən də gənclər üçün internet elə bir informasiya vasitəsinə çevrilir ki, onlar şəbəkəsiz həyat təsəvvür edə bilmirlər. Bu baxımdan internetdən istifadə edən uşaq və gənclərin təhlükəsizliyini təmin etmək mühüm məsələlərdən biridir.

Ətraflı: “Mavi Balina” oyununun yaratdığı təhlükələr