May ayında 502 abunəçi internetlə təmin olunub

Muxtar respublikada yeni texnologiyaların tətbiqi və əhaliyə keyfiyyətli poçt, rabitə, internet və teleradio xidmətlərinin göstərilməsi 2019-cu ilin may ayında davam etdirilmişdir.
Naxçıvan şəhərində mərkəzi Avtomat Telefon Stansiyasında olan Alcatel Lusent DSLAM avadanlığında artım üçün 2 ədəd 48 portluq, 17№li məktəbin ətrafında və Zərifə Əliyeva küçəsində yerləşən Avtomat Telefon Stansiyasınlarının hər birinə 1 ədəd MA5616 internet modulu əlavə edilmişdir. Bundan əlavə, Babək rayon Güznüt kəndində 48 portluq, Çeşməbasar kəndində 64 portluq və Şahbuz rayonu Şahbuzkənd Avtomat Telefon Stansiyasına 32 portluq hər birinə 1 ədəd MA5616 internet modulu əlavə edilmişdir.

Ətraflı: May ayında 502 abunəçi internetlə təmin olunub

“Gələcəyin İKT sahəsindəki toxumları” adlı dördüncü proqram-layihə üzrə seçim turu baş tutub

Naxçıvan Muxtar Respublikası Ali Məclisi Sədrinin “Ali və orta ixtisas təhsili müəssisələrində ixtisasların müvafiq təşkilatlara hamiliyə verilməsinə dair əlavə tədbirlər və innovasiyaların dəstəklənməsi haqqında” 2019-cu il 3 aprel tarixli Sərəncamına  əsasən muxtar respublikada fəaliyyət göstərən ali və orta ixtisas təhsili müəssisələrində müvafiq ixtisaslar üzrə təhsil alan tələbələr Naxçıvan Muxtar Respublikası Rabitə və Yeni Texnologiyalar Nazirliyi və onun tabe qurumlarında praktiki işlərə cəlb olunur, istehsalat təcrübələri keçirlər. Tələbələrin müxtəlif layihələr vasitəsilə təqaüd proqramlarında iştirakı və xaricə göndərilmələrinin təşkil edilməsi,  bu istiqamətdə həyata keçirilən tədbirlərin davamıdır.

Ətraflı: “Gələcəyin İKT sahəsindəki toxumları” adlı dördüncü proqram-layihə üzrə seçim...

Seminar-treninq keçirilib

Naxçıvan Muxtar Respublikası Ali Məclisi Sədrinin 2019-cu il 3 aprel tarixli  “Ali və orta ixtisas təhsili müəssisələrində ixtisasların müvafiq təşkilatlara hamiliyə verilməsinə dair əlavə tədbirlər və innovasiyaların dəstəklənməsi haqqında” Sərəncamının icrası ilə bağlı Naxçıvan Universitetində növbəti seminar-treninq keçirilib. “Huawei” şirkətinin peşəkar mütəxəssisləri tərəfindən Naxçıvan Universitetində yaradılan İKT mərkəzində “Telekommunikasiya Sahəsinə dair Təlim“ mövzusunda  keçirilən seminarda Rabitə və Yeni Texnologiyalar Nazirliyinin mütəxəssisləri, Naxçıvan Dövlət Universitetinin və Naxçıvan Universitetnin bir qrup müəllimi və hamiliyə verilmiş ixtisaslarda təhsil alan tələbələr iştirak ediblər.
“Huawei-Azərbaycan” MMC-nin “Simsiz texnologiyalar” sektorunun rəhbəri İmran Bayramov 5G LTE texnologiyalarının strukturu və iş prinsipi haqqında  iştirakçılara geniş mühazirə oxuyub.
Sonda tələbələrin sualları ətraflı cavablandırılıb.

Naxçıvan Muxtar Respublikası Rabitə və
Yeni Texnologiyalar Nazirliyinin mətbuat xidməti