Startap portalının əhəmiyyətindən bəhs edən növbəti tədbir keçirilib

“Naxçıvan” Müəllimlər İnstitunun Rabitə və Yeni Texnologiyalar Nazirliyi ilə birgə keçirdiyi tədbirdə ali təhsil ocağının İxtisas artırma və yenidən hazırlanma üzrə prorektoru Azad Novruzov çıxış edərək bildirib ki, startap portalı investisiya mühitinin yaxşılaşdırılmasına, yaradıcı düşüncəni və inkişafa xidmət edən ən yaxşı layihələri üzə çıxarmağa, innovativ ideyaların uğurlu biznes subyektinə çevrilməsinə dəstək olmaqdır.

Ətraflı: Startap portalının əhəmiyyətindən bəhs edən növbəti tədbir keçirilib

“Startup.nakhchivan.az” internet portalının praktiki izahı olub

“Naxçıvan” Universitetində keçirilən tədbirdə Rabitə və Yeni Texnologiyalar Nazirliyinin əməkdaşları, “Naxçıvan” Universitetinin bir qrup müəllimi və tələbələr iştirak ediblər.
Naxçıvan Universitetin riyaziyyat və informatika kafedrasının müəllimi Şamil Hümbətov tədbiri açaraq bildirib ki, tələbələrin innovativ ideyalarının inkişaf etdirilməsi üçün bu cür tədbirlərin həyata keçirilməsi çox əhəmiyyətlidir. Muxtar Respublika rəhbərliyinin diqqət və qayğısı ilə startap ekosisteminin inkişaf etdirildiyini vurğulayan müəllim startapın inkişafı üçün universitetdə gənclərə hər cür şərait yaradıldığını qeyd edib.

Ətraflı: “Startup.nakhchivan.az” internet portalının praktiki izahı olub

Yeni texnologiyaların tətbiqinə diqqət artırılır

Muxtar respublikada yeni texnologiyaların tətbiqi və əhaliyə keyfiyyətli poçt, rabitə, internet və teleradio xidmətlərinin göstərilməsi bu gün qarşıda duran əsas vəzifələrdəndir.

Naxçıvan Muxtar Respublikasının Rabitə və Yeni Texnologiyalar Nazirliyi tərəfindən 2019-cu ilin oktyabr ayında qeyd olunan vəzifələrin icrası diqqətdə saxlanmış, Şərur rayonunun Muğanlı kəndində 384 yerlik, Alışar kəndində 192 yerlik  və Babək rayonun Gülşənabad kəndində isə  384 yerlik NGN tipli yeni avtomat telefon stansiyaları qurulub, Babək rayon Gülşənabad və Şərur rayonunun Muğanlı  kəndlərində yeni poçt bölməsi yaradılıb, Şərur rayon Alışar  kəndində isə poçt bölməsi yeni binaya köçürülüb, işçi kompüterlər “Naxçıvanpoçt”un şəbəkəsinə qoşulub və digər lazımi avadanlıqlarla təmin olunub.  Mövcud avtomat telefon stansiyaların nömrə tutumlarının artırılması nəticəsində hesabat ayında muxtar respublikada 227 yeni telefon nömrəsi istismara verilib.

Ətraflı: Yeni texnologiyaların tətbiqinə diqqət artırılır